كشف حساب للرئيس السيسي وسحب الثقة من ( حكومة مدبولي) واركان النظام الحالي باكمله (تمـــــــــرد محبي مصــــر)
والكلام في اغلبه موجه لحكومة الدكتور مصطفي مدبولي مع احتفاظنا بحق توجيه اللوم والعتاب الي فخامة المكرم عبد الفتاح السيسي
عشان حكومتك مش شغاله بمليم ... مش عايزينك يا مدبولي
عشان اعتمدت علي فرض الضرائب والجباية علي المواطنين مش عايزينك يا مدبولي
عشان مجلس النواب مش شغال بقرش ابيض مش عايزينك يا مدبولي
عشان الرقابة الإدارية واللواء حسن عبد الشاقي مش شغال بمليم احمر مش ... عايزينك يا مدبولي
عشان مفيش اي رقابة علي الاسواق والأسعار ؟ ... مش عايزينك يا مدبولي
عشان عجز وزارة التموين عن اضافة المواليد الجدد ... مش عايزينك يا مدبولي
عشان مفيش اي دور لحماية المستهلك وسياراتها الفارهة ... مش عايزينك يا مدبولي
اين دور المخابرات الحربية والمخابرات العامة ؟ ونحاسب مين علي دماء كمين البرث وكمين الواحات وكمين شقة العمرانية الـ سقط فيهم خيرة ولادنا وشبابنا وجنودنا وضباطنا ونحاسب مين علي وفاة والدة احد الضباط الشهداء الذي وافتها المنية علي استشهاد نجلها بعد استشهاده بستة اشهر حزناً وقهراً وغيرهم وغيرهم
ونحاسب مين علي دم ابنائنا وخيرة جنودنا وظباطنا من شهداء الواجب من الجيش والشرطة بعد ما حضرتك استقبلت تميم وعملت له عيد ميلاد في قصر الإتحادية يا ريس بالزمة ده اسمه كلام ؟ يغور اللبن من وش القرد يا ريس
نحاسب مين علي حق 3000 شهيد و 12000 مصاب
لماذا لا تعلن اعداد القتلي من حشرات اهل الارض وكلاب اهل النار علي المصريين حتي تطمئن قلوبهم وتهدأ انفسهم التي تتألم مع سقوط كل شهيد في الليلة الاف المرات ؟ فين حق الشهيد وما هي نتائج عمليات سيناء 2018 حتي الان يا ريس ؟
عشان مش عايز تضيف غير فردين اتنين بس علي البطاقة ... مش عايزينك يا مدبولي
عشان عايز تضيف العيش علي البطاطا بما يعرض حياة المصريين للامراض المزمنة كالسكر والإنتفاخ المزمن ... مش عايزينك
اين تذهب أموال المعلمين المجمدة رواتبهم منذ عام 2014 وحتي الان ولماذا تصر عليهم بالتحديد لمعاقبتهم بهذا الشكل ؟ هل لانهم اخوانجية كما تؤكد اليك التقارير الأمنية ؟ وما زنب وما بال مؤيديك ومحبيك من معلمي مصر الشرفاء يا ريس ؟
اين مستحقات وحقوق محبي مصر المادية ؟ مش هما دول ال افكارهم ومشروعاتهم اصبحت مشاريع قوميه اطلع كدبني وانا ارد فوراً علي سيادتك ؟ بس المرادي هرد باستماره مطبوعه زي استمارة محمود بدر وهنعملك استمارة (تمــــــرد محبي مصـــر) بجد مش هزار ولا علي الميديا وبس يا ريس
وهنقولك بجد من قلوبنا مش
عايزينك وبقدرة قادر هتلاقيها لفت مصر كلها وجميع المحافظات واتلمت جميع التوقيعات وهنقولك اتفضل روح ... مش عايزينك
وسعتها مفيش قدامك غير انك تدي التحية وتروح يا فاندم لان الجيش ده جيش وطني مش جيش ملاكي ولا قطاع خاص واحنا الـ عاملينه وشارين سلاحه بفلوسنا ومفيش جندي يقدر يضرب علي الشعب طلقة واحده لان لاقدر الله الكلام ده لو فرضاً حصل هتلاقي الجيش الحر ظهر بعد ساعة واحده
عشان الأمن لسه مرجعش للشارع والناس بتنتحر وبتدبح بعضها وبتضرب بعضها بالنار في الشارع ... مش عايزنك
عشان فساد التنمية المحلية والمحليات المستشري للركب في جميع المحافظات ... مش عايزينك يا مدبولي
عشان عدم حل مشكلة القمامة المنتشرة في كل مكان منذ ثماني أعوام بجميع المحافظات ... مش عايزينك يا مدبولي
عشان فساد وزيرة الإستثمار سحر نصر الـ مسكت مكانها ... مش عايزينك يا مدبولي
عشان وزير الاعلام ورط الاعلام والدولة في مليار جنيه ورفع مرتبه الي 100 الف جنيه وشغل مراته في وظيفتين حكوميتين ... مش عايزينك يا مدبولي
عشان وزيرة الصحة ووزارة الصحة فاسدة ومتهمة بتهم فساد ولم تحاكم او تحاسب كغيرها ... مش عايزينك يا مدبولي
عشان مصانع الحديد والصلب وسماد طلخا وشركة الكوخ اتباعت للفسدة ... مش عايزينك يا مدبولي
عشان لسه الفقير ملوش مكان ... مش عايزينك يا مدبولي
عشان الدخل القومي والدخل الفردي منخفض للغاية والإدخار صفر ... مش عايزينك يا مدبولي
عشان لسه بنقترض وبنشحت من بره ... مش عايزينك يا مدبولي
عشان حق الشهدا مجاش ومرجعش ... مش عايزينك يا مدبولي
عشان المدرس المصري مفيش ليه كرامه ومظلوم ومرتبة متجمد من 2014 ... مش عايزينك يا مدبولي
عشان الاقتصاد والمجموعة الإقتصادية بتاعتك واقعه من الدور العشرين ... مش عايزينك يا مدبولي
عشان مفيش كرامه ليا ولبلدي جوه وبره ... مش عايزينك يا مدبولي
أعلن انا الموقع ادناه بكامل ارادتي وبصفتي عضوا في الجمعية العمومية للشعب المصري سحب الثقة من رئيس مجلس الوزراء المصري الدكتور مصطفي مدبولي وادعوا الي استقالة او إقالة الحكومة بأكملها واتعهد بالتمسك باهداف ثورتي الخامس والعشرون من يناير والثلاثون من يونيه والعمل علي تحقيقها ونشر حملة تمرد بين صفوف الجماهير حتي نستطيع الوصول الي مجتمع الحرية والديمقراطية والعدالة الإنسانية وأطالب بانتخابات برلمانية مبكره وحل المجلس القومي للمرأة في مصر حتي نصل الي رفع وتحسين الحالة المادية والإقتصادية وحتي نحقق الرفاهية المادية لكل مواطن
تعليقات
إرسال تعليق