لقد بلينا بقوم يظنون أن الله لم يهد سواهم يدعون الناس إلي الجنة وهم عاجزون عن دعوة يتيم إلي مائدة طعام

فلاح كفر الهنادوه القرن الواحد وعشرين رساله الي خالي الجزار وخالي المشمهندس عمرو طلعت وخالي كامل الوزير : بقلم د. محي حليم نبلغكم ان الفيوم اليوم في يوم الثلاثاء من شهر يونيه بصوت عادل امام مش علي الشريف وان شعبها شايل رطب وعمره متهمش ولا عمره شال هم وطين ونخبركم بان الواد زيزو ابني قرب يحفظ جزء تبارك بعد محفظ جزء عمي يتسائلون وبيدعيلكم من كل قلبه ان رينا يعينكم خالص مالص خلينا نخلص بقي لانكم بجد بجد خنقتونا اخر حاجه ولولا حبنا لسيادة الريس لولا اننا قفلينا خيشومنا وساكتين هتقولي طيب يا ولا انت مش سايب الفيوم من 2003 مالك بيها بجي هقولك دي بلدي ومحل ميلادي والـ ملوش خير في بلده ملوش خير في حد يا معالي الوزير وبنزلها كل ما الناس يستغيثوا بينا يكونش فاكريني كوفي عنان ولا الحاج بانكيموه يلاا بجي ما علينا اهو كولاتنا هنتجمع بربطة المعلم قدام رب العالمين وهنتسأل عن كل الـ بنحكي فيه ... خلينا في ام هند ام هند هو جهاز مدينة الفيوم الجديدة يتبع حضرتك ولا يتبع معالي وزير التنمية المحليه يا خالي يا جزار الرجاله مش شغلين بقرش لانهم من بني سويف ومن ابناء محافظه غير المحافظه حضرتك مش شايف ان كده كتير واننا لازم نوفر سيارات الاجره باعداد مناسبه مفيش غير 7 سيارات اجره بس يا معالي الوزير واصحابهم لبط وبيتشرطوا ويتنكوا ويقلوا ادبهم علي المواطنين ده غير انهم بيطلعوا ابونيه مصانع والناس بتخلل لما تلاقي مواصله وبتعاني الامرين ومن بعد المغرب ولا عربيه تلاقيها علي الطريق في ام الفيوم الجديده تحس انك في بلاد الوك واك مش الفيوم ولازم نشوف حكاية البيوت المتصقعه ومقفوله علي الفاضي ومن غير بيبان وشبابيك في مشروع ابني بيتك في الفيوم الجديده دي يا معالي الوزير الناس اشتكت لنا يا معالي الوزير والبيوت المتصقعه دي في مشروع ابني بيتك يبتجاب فيها نسوان شمال وشكلما وحريم سيكي ميكي زي الستات ال زي القمر الـ في الصوره ال تحت دي ده غير كمان بيضرب فيها ابر ومخدرات واصبحت وكر لمتعاطي المخدرات والكيف في النهار قبل الليل ويا ريت حضرتك بالتعاون مع خالي الطويل الحليوه ده الـ اسمه خالي عمرو طلعت تهتموا بتوصيل الانترنت للفيوم الجديده خلي ان ابن اختك مثلاً مثلاً طالب في ثانويه عامه وساكن هناك هيذاكر ازاي وينجح كيف يا مشمهندس عمرو طلعت افندي معلش اصل انا بحبك وبحب اناغشك لاني بصراحه مبسوط منك اخر حاجه وقرب يطلعلي جناحين من كتر الانبساط وقربت اطير في الجو زي الحمامه بسبب سرعة النت عندي الـ هيا 30 ومبيصلنيش منها غير 18 بس طيب الفرق ده بيروح لمين يا خالي يا حسين .... مجراش حاجه كيده مجراش ايتوها حاجه وايه يعني لما خالي كامل الوزير يعملهم طريق من الظملوطي لدخلة الفيوم الجديده من ناحية طريق ديروت او سملوط او حتي طريق اسيوط الغربي اهو عندنا 10000 كيلوا قديمه بنطورها اعتبرها من ضمن العشر تلاف كيلوا الـ عليك يا خالي يا كامل يا وزير واهو كله بثوابه ويجعله عامر وربنا يرقيك ويعليك واشوفك يا رب وزير التعليم لانها وزاره مش عايزه غيرك انت يا ابو قلب زي الدهب يا اغلي واعز وزير بحبك يا خالي يا كامل يا وزير وربنا يجعل كل اعمالك واعمال سيادة الريس وكل المخلصين شاهداً لكم لا عليكم بإذن رب العالمين ولا حضرتك شايف ايه يا معالي الوزير تشكل لجنة والبيوت دي تتسحب من الناس ال مصقعينها ولا الناس دي تلتزم ببنود التعاقد وتروح تسكن فيها ولا الحل ايه تحياتي لخالي الجزار الاسد الجسور معاك لحد متقوم بالمليون ونص وحده زي ما سيادة الريس وعد عملنا منها نص وباقي منها مليون وباذن الله هتقدر يا بطل لاننا في ضهرك وبندعمك .... التوقيع / فلاح كفر الهنادوه القرن الواحد وعشرين وختاماً اهديلكم غنيوه اوعي العو حضر يمكن تتلبسوا كلكم او تلبسوا الجلبيات البيضا وما علينا من الترنك الابيض بقي ونصبح نلاقي الريس اقالكم كلكم عشان كان يبقي يوم عيد عند كل المصريين